Сайт газеты МАЯК

Жаңагүл Аманжолқызы Open Air фестиваліне қатысты

Подробности

Категория: Последний номер

Создано 25.05.2023 06:27

Автор: Майра Дүзбайқызы

Просмотров: 450

Мәдениет және спорт министрлігінің қолдауымен, ҚР Ұлттық академиялық кітапханасының бірлесіп ұйымдастыруымен Мәдениет және өнер қызметкерлері күніне орай «Мәдениет: Кітап. Білім. Тіл» тақырыбындағы Open Air фестивалі өтті.
Мәдениет мен өнер адамдарын, кітапхана саласында қажырлы қызмет жасап жүрген мамандарды қолдау мақсатында ұйымдастырылған шараға мемлекет және қоғам қайраткерлері, зиялы қауым өкілдері, баспагерлер, қолөнер шеберлері, оқырмандар, еліміздің әр өңірінен 200-ге жуық кітапханашы қатысты. Бейімбет Майлин ауданы Тобыл селолық кітапхананың кітапханашысы Изтилеу Жаңагүл Аманжолқызы қатысты.
Іс-шараны 100 оқырман «Кітапханаға жол» флэшмобымен бастап, Мәдениет және спорт министрі Асхат Оралов өңірлерден келген үздік кітапхана қызметкерлері мен ардагер кітапханашыларды Мәдениет саласының жоғары наградаларымен марапаттады. Бағдарлама барысында жиналғандар «BOOKS-TOP» яғни, кітапхана мен баспагерлердің кездесуі негізінде «Фолиант», «Мұқаба», «Mazmundama», «Отбасы хрестоматиясы», «Абай», «Эльдорадо», «Астанакітап» сынды баспалардың көрме-жәрмеңкесін, антикварлық, қолтаңбалар және жаңа кітаптар көрмесін, Art-шеберлік сағаттарын, балалар павильонында интерактивті алаң, түрлі кездесулер мен театрландырылған қойылымдар тамашалады. Шара аясында жазушылар, журналистер, редакторлар мен кинорежиссерлер қатысқан «Кітап оқу – жетістік трамплині» атты NetWorking ұйымдастырылды.
- Өңірлерден келген кітапханашылар тәжірибелік кейстерімен бөлісіп, ашық диалогта жазушы-баспагерлер ұлттық құндылықтарды арттырудың заманауи тәсілдерімен ортаға салды. Сонымен қатар, тәжірибелі тренерлер кітапханалық медиа жобалар, медиасауаттылық, мобилография және SMM-технологиялары, Tik Tok контенттерін әзірлеу сынды өзекті тақырыптарды талдап, талқылады. Фестивальға әлемнің әр елінен өз еліміздің танымал жазушылары мен мәжіліс депутаттары, шетел қонақтары келді. – деді, фестивалге қатысқан Тобыл селолық кітапханашысы Жаңагүл Аманжолқызы.
Мәдениет және өнер қызметкерлері күніне орай «МӘДЕНИЕТ: КІТАП. БІЛІМ. ТІЛ» OPENAIR фестивалінде «Мобилография және SMM-технологиялары, TikTok контенттерін әзірлеу» шеберлік сағатына қатысқаны үшін Изтилеу Жанагул Аманжолқызына сертификат табысталып, Мәдениет және спорт министрінің алғыс хатымен марапатталды. Сонымен бірге Мәдениет және өнер қызметкерлерінің кәсіби мерекесі қарсаңында ұйымдастырылған іс- шараларға белсенді қатысып, өңірдің жұмыла жұмыс істеуінің нәтижесінде ел руханияты үшін маңызы зор еңбек жасап жүрген Қостанай облысы Б.Майлин аудандық орталықтандырылған кітапханалар жүйесінің Тобыл ауылдық кітапханасы Қазақстан Республикасы Мәдениет және спорт министрі А.Ораловтың алғыс хатымен марапатталды.

• < Назад
• Вперёд >