“Рамазан керуені” қайырымдылық акциясы

Тағдыры толғандырған балаларға барынша қолдау көрсету қоғамға ортақ парыз.


Осы орайда ерекше білім беру қажеттіліктері бар балаларға арналған Рудный арнайы мектебіне аудандық «Әйет» мешітінің бас имамы Ислам Шамғынұлы Хамзин жамағат атынан жиналған қоржын-сыйды табыс етті.
- Балалардың қуаныш ұялаған көздерін көргенің, оларды өсіру үшін тыным таппай еңбек етіп жүрген ата-анасының аузынан естіген «рахметі» – ең үлкен сый. Елімізде бақытты отбасылар мен дені сау балалардың көп болғанын қалаймыз,- дейді Ислам Шамғынұлы.
Бұл қайырымдылық шараларының дер кезінде орындалуына өңірдегі жанашыр әрі жомарт жандар өздерінің лайықты үлестерін қосуда. Осы аптада барша жамағаттың көмегімен 30 отбасыға азық-түлік пакеттері табысталды. Барша қауым осындай Қасиетті айда ізгі істер мен жасаған жақсылықтар қабыл болсын, деп алғыстарын білдіріп жатты.
Ауданымыздағы еріктілер ұйымы мен қайырымды жамағаттың түгелдей басын қосқан айтулы шара алдағы уақытта тағы да ұйымдастырылатын болады.


 
Яндекс.Метрика
Курс валют в Казахстане