Қазақстан темір жолының даңқты бір ғасырлық тарихы мен дәстүрі – ел экономикасының сенімді әрі берік іргетасы. Қазақстан экономикасының өсіміне теміржолшылардың қосқан үлесі орасан зор.
Ендеше, ел дамуына елеулі үлестерін қосып жүрген теміржол қызметкерлерінің еңбегі ерекше. Ғасырлық тарихы бар қазақ теміржолы бүгінгі күні өзгелермен терезесі тең, иық тірестірер дәрежеге жетті. Мұның бәрі теміржолшы болып еңбек ететін қазақстандықтардың тынымсыз еңбегі мен қажырлы қайратының жемісі.
Теміржолда жұмыс жасап жүрген кісілердің ерен еңбегі, күннің ыстығы мен суығында еңбек етіп, халық шаруашылығын дамытуға, жолаушыларды тасымалдауға қосқан үлестері орасан зор. Әр саланың өз қиындығы мен қызығы болады. кәсібінің шебері болу – әрбір жанның мамандыққа деген жауапкершілігінен бастау алары сөзсіз. Бүгінгі еңбек адамы, өр тұлға, болашақ ұрпақтарға қажырлы еңбегімен үлгі бола білген Қашқымбаев Мұңайтпас Батырбекұлы- Тобыл кенті тұрғыны, зейнеткер, теміржол саласына еңбегі сіңген құрметті теміржолшы, Б.Майлин ауданының құрметті азаматы.
Қашқымбаев Мұңайтпас Батырбекұлы – 45 жыл теміржол саласында, яғни жол шаруашылығында үздіксіз жұмыс істеп, тер төккен жан. Адамның шыдамдылығы мен төзімділігінде шек жоқ-ау- деп ойлайсыз. Десек те, тек адам өзі ұнатып таңдаған мамандығын қастерлеп, сүйе білген жағдайда ғана күнделікті тынымсыз жұмыс еш уақытта жалықтырмайды, шаршатпайды. Мұңайтпас Батырбекұлы
1949 жылы 28 қыркүйекте, Қостанай облысы Семиозер ауданы Басаман орман шаруашылығындағы отбасында дүниеге келген. 1967 жылы Қазанбасы орта мектебін бітірген. 1968 жылдан бастап 21-ші жол дистанциясында жол жұмысшысы болып еңбек жолын бастаған. 1970-72 жылдары Совет Армиясы қатарында әскери борышын өтеп келген соң, Тобыл жол дистанциясында жол бригадирі, жол шебері, аға жол шебері, дистанция директорының орынбасары ретінде әр түрлі қызмет атқарды. 1986 жылдан бастап Тобыл жол дистанциясында 45 жыл еңбек етіп, оның 25 жылында басшылық қызметін атқарды. Зейнеткерлікке шықса да Мұңайтпас Батырбекұлы ел ісіне араласып, үлкен істерді бастауда кейінгі жастарға өз ақылын айтудан жалыққан емес.
Қажырлы еңбегінің арқасында 2002 жылы «Үздік жетекші» 2003 жылы «Құрметті теміржолшы» белгілеріне және Хромтау- Алтынсарин жаңа теміржол желісін салуға қосқан үлесі үшін Қазақстан Республикасы Көлік және коммуникациялар Министрлігінің министрі К.Нығмановтың 28.12.2004 – жылдағы бұйрығымен «Алғыс хатқа» ие болды. Мұңайтпас Батырбекұлы теміржол саласына еңбегі сіңген құрметті теміржолшы, Б.Майлин ауданының құрметті азаматы. Жақында ғана 13.07.2023 жылы «Құрметті ардагер теміржолшы» төсбелгісімен марапатталды.
Қашқымбаев Мұңайтпас Батырбекұлы- өмірде де, қызметте де басына қандай іс түссе де жасымаған, бағы жанса тасымаған, тіршіліктің қандай ауыртпалықтарын, қиын, кезеңдерін көрсе де мойымай күресе білген азамат, мықты қызметкер, аяулы жар, ардақты әке. Мұңайтпас Батырбекұлы 1973 жылы Доданова Шайзада Молдақышқызымен отау құрған, 2 ұлы бар.
- Жастайымыздан жұмысқа ерекше жігермен араласып, жаздың шыжыған ыстығында, қыстың сақылдаған аязды күндерінде болат жолдың бойында аса жауапкершілікпен тынбай еңбек еттік. Қазіргі теміржол саласы заман ағымына қарай дамып келеді, тепловоздар ауысып, жұмысшылардың жұмысы шамалы да болса жеңілдеді. Дегенмен де, қай кәсіптің болмасын жеңілі жоқ. Ендігі жерде балаларымыз болашағы жарқын елде бейбіт өмір сүруге жазсын, - деген Мұңайтпас Батырбекұлы батасын беріп, жылы лебізін білдірді. Әрдайым ақпаратпен хабардар болып отыратын Мұңайтпас Батырбекұлы Президент Қасым-Жомарт Тоқаевтың қыркүйектегі жолдауында теміржолға көп көңіл бөлінетінін, яғни жаңа жолдар салынып, 2029 жылға дейін 4 мың шақырымнан астам жолға күрделі жөндеу жүргізу қажет екенін айтты. Сонымен қатар ҚТЖ-ны толыққанды көлік-логистика компаниясы етіп қайта құру мәселесіне тоқталды.Алдағы уақытта көлік жолдарының құрылысы мәселесі шешімін тауып, оның сапасы жақсартылады» деген жалынды сөздерінен көп үміт барын айтып өтті.
Қашқымбаевтар әулетінің әр мүшесі теміржол саласының бейнеті мен зейнетін көріп отыр. Атакәсібі ұрпақтан-ұрпаққа жалғасқан үлкен шаңырақ теміржол саласында еңбек етіп жүр. Марал Мұңайтпасұлы Қостанай теміржолында кадр бөлімінде, Абзалы Қостанай теміржолында ревизор. Келіндері Ләззат пен Зәуре де теміржолда қызмет атқарады. Немерелері Әлішер Қостанай теміржол вокзалында қызмет жасаса, Ермек Тобыл теміржол станциясындағы байланыс бөлімі басшының орынбасары болып қызмет атқарады. Ал, жұбайы Шайзада Молдақышқызы 52 жыл ұстаздық еткен зейнеткер, педагогика саласының үздік мұғалімі, Тобыл станциясында алғаш қазақ сыныптарын ашып, қазақ тілінің дамуына үлкен үлес қосқан ардагер-ұстаз, балаларының аяулы анасы, немерелерінің мейірімді әжесі.
Қашқымбаевтардың еңбек әулеті теміржол саласында еңбек етіп, еліміздің дамуы жолында, ел игілігі үшін елеулі жұмыс атқарып келеді. Қоғамдық маңызы зор жауапты қызметтегі біліктіліктері бен көлік және байланыс саласындағы сүбелі үлестері әріптестері де әрдайым жоғары бағалайды. Қашқымбаевтар әулетіне мықты денсаулық, толайым табыс, отбасылық амандық және несібелі жетістіктер тілейміз.
13.11.2026 07:12

Президент Қасым-Жомарт Тоқаев “ Заң мен тәртіп” деген қағидатты берік ұстана бастады. Бүгін Самұрық пен ҚТЖ секілді алпауыт компания басшыларының...
12.11.2026 10:18

В рамках реализации концепции «Слышащее государство» 5 ноября текущего года в Павловском сельском округе состоялась отчётная встреча с жителями с...
12.11.2026 10:17

8 ноября в храме святого великомученика Димитрия Солунского в с. Айет отметили престольный праздник. Это стало поводом для знакомства и...
12.11.2026 10:16

Қостанай облысы әкімінің KPI көрсеткіштері аясында мәдениет саласын дамыту, ұлттық өнерді насихаттау және ауыл тұрғындарына сапалы мәдени қызмет көрсету бағытында...
12.11.2026 10:15

За каждым успешным делом стоят люди, которые ежедневно своим трудом, ответственностью и профессионализмом вносят вклад в развитие родного края. Именно...
12.11.2026 10:14

15 ноября в Казахстане отмечается День национальной валюты - тенге. Этот праздник символизирует экономическую самостоятельность и финансовый суверенитет нашей страны....
12.11.2026 10:12

В районе завершаются съемки короткометражного фильма «Бір ғұмыр – Бір мұра», посвященного жизни и творческому наследию великого земляка. Автором и...
12.11.2026 10:11

Бухгалтер – әрбір мекеменің қаржылық тұрақтылығы мен жұмысының жүйелі жүруіне зор үлес қосатын маңызды мамандық иесі. Бұл сала үлкен жауапкершілікті,...
12.11.2026 10:08

10 ноября в районном Доме культуры им. Е. Умурзакова прошел районный молодежный форум «PROкоманда». Он собрал более 80 активных ребят...
12.11.2026 10:07

В с. Майский появилась новая зона активного отдыха для детей и взрослых. Территорию вокруг детской площадки благоустроили при финансовой поддержке...
10.11.2026 12:54

Қазақстан Республикасы Стратегиялық жоспарлау және реформалар агенттігінің Ұлттық статистика бюросы жаңартылған «Талдау» ақпараттық-талдамалық жүйесінде AI TALDAU интеллектуалды көмекшісін іске қосты. Енді...
10.11.2026 12:53

Бюро национальной статистики Агентства по стратегическому планированию и реформам Республики Казахстан запустило интеллектуального помощника AI TALDAU в обновлённой информационно-аналитической системе...
06.11.2026 14:25

Мемлекет басшысының экономиканы дамытуға, инвестиция тартуға және отандық өндірісті қолдауға бағытталған тапсырмаларын іске асыру аясында Юбилейное ауылында «KST BETON 2022»...
06.11.2026 14:24

В рамках реализации поручений Главы государства, направленных на развитие экономики, привлечение инвестиций и поддержку отечественного производства, в селе Юбилейное был...
05.11.2026 13:39

Бұған дейін ресми түсіндірме берілгеніне қарамастан, Жалған ақпаратқа қарсы іс-қимыл орталығы әлеуметтік желілерде жеке тұлғалардың депозиттері бойынша сыйақыға салық енгізіледі...
05.11.2026 13:37

Центр по борьбе с дезинформацией JAQ.OrtCom, несмотря на ранее опубликованные разъяснения, продолжает фиксировать в социальных сетях вбросы и манипуляции о...