«ҚАЗТЕСТ жүйесі:жетістіктері мен даму болашағы»

Қазақ тілін меңгеру деңгейін бағалаудың бірден –бір құралы - ҚАЗТЕСТ жүйесі жүйелі өзгерістерге ұшырап, қайта жаңартылуда. Осы орайда, 26-қыркүйекте «ҚАЗТЕСТ жүйесі:жетістіктері мен даму болашағы» атты республикалық оқыту семинар жұмысы өткізілді.


2006 жылдан бері елімізде мемлекеттік тілді меңгеру деңгейін бағалау жүйесі ҚАЗТЕСТ бойынша бірқатар жұмыстар атқарылды. Мемлекеттік тілді оқыту барысында тест арқылы тілдік білімді бағалау тәсілі тілдік дағдыларды қалыптастыруға ықпал етеді. Еліміздің өңірлерінде тілдік құзыреттілікті тест арқылы бағалау қаншалықты тиімді? Тест технологиясының 10 жылдық тәжірибесі оның сөйлеу қабілеті мен дағдыларын тиімді және сапалы қалыптастыруға ықпал ететінін көрсетеді. Бұл сөйлеу әрекетінің тыңдалым, лексика-грамматикалық құрылым, оқылым,жазылым түрлері бойынша меңгеру деңгейін анықтау кезінде отандық жүйенің жоғары рөлі мен әлеуметтік маңыздылығын дәлелдейді.
ҚАЗТЕСТ жүйесінің бүгінгі жай-күйі, жүйені енгізу тәжірибесі, жетістіктері мен даму жолдары, әлемдік тілдік білімді бағалау жүйелерімен байланысты. Кез-келген қызметті, білім беру қызметін немесе өнімдерді, жүйелерді немесе емтихандарды дамыту мен жетілдіру үнемі өзгеруді, практикалық іске асыру барысында анықталатын тиісті өзгерістер мен толықтырулар енгізуді талап етеді. Сондықтан, соңғы жылдары жүйеде болып жатқан жаңалықтар, оның ішінде ҚАЗТЕСТ-тің жаңа форматқа көшуі жиі айтылуда. Облыс орталығында ұйымдастырылған семинар барысында Қазақстан Республикасы Білім және ғылым министрлігі, Ұлттық тестілеу орталығының ҚАЗТЕСТ жүйесін дамыту жөніндегі басқарма басшысы Мәншүк Мұқаметқали қазақ тілін меңгеру деңгейін бағалаудың отандық жүйесі – ҚАЗТЕСТ-тің бүгінгі жай-күйі, тілдік білімді бағалаудағы рөлі жөнінде баяндап, ҚАЗТЕСТ-тің жаңа форматы жөнінде кеңінен талқылады. Семинарға облыстық тілдерді дамыту жөніндегі басқарманың қызметкерлері және аудандық тілдерді оқыту орталықтарының басшылары мен әдіскерлері қатысты. Ал, семинар соңында қатысушыларға арнайы сертификаттар табысталды.
Айта кету керек, бүгінде тілді меңгеру деңгейін бағалау үшін өткізіліп жатқан ұлттық тестілеуге ауданымыздың мекеме басшылары мен қызметкерлері және ауылдық округтердің басшылары мен қызметкерлері жақсы атсалысуда. Мұның өзі жақсы нәтиже деп ойлаймын.


 
Яндекс.Метрика
Курс валют в Казахстане